اكبر دليل على ان نجومية تامر حسني مزيفه واكبر اثبات ان عمرو دياب هو العالمى

اكبر اثبات علي ان نجومية تامر حسني مزيفه وحكاية كذبه فوزه بجائزة بيج ميوزيك اوورد بالتفاصيل والدلائل


هأبدأ الموضوع من جزوره وبداياته اللى بترجع لمهرجان البيج ابل ميوزك اووردس لعام 2009 واللى تم بعدها الاستخفافا بعقول الناس من قبل تامر حسنى ومحسن جابر

لكننا تغاطيين عن اكاذيبهم فى وقتها، بس لما لقيت الموضوع زاد قوى ووصل لأقصى درجات البجاحة قلت لازم اجيب القديم والجديد عشان نقلب التربيزة مرة واحدة

فى الموسم الماضى من مهرجان البيج ابل ميوزك اووردس كان الفنان عمرو دياب هو الفنان العربى الوحيد اللى فاز فى هذا الموسم من الجائزة

وفاز بجايزتين وهما

اولا : جائزة انجاز العمر
ثانيا : جائزة المطرب الاكثر شعبية

وتم اقامة حفل توزيع الجوائز فى شهر نوفمبر 2009 فى نيويورك لكن الفنان عمرو دياب اعتذر عن حضور حفل توزيع الجوايز

نظرا لانشغاله وقتها بالتحضير لحفلة جامعة المستقبل بالاضافة الى الهوجة المصاحبة لاحداث السودان كانت على اشدها وكان الجو العام مشدود

وقام الفنان عمرو دياب بتصوير فيديو بداخل الاستوديو يعتذر فيه لادارة الجائزة عن عدم تمكنه من حضور حفل توزيع الجوائز نظرا لانشغاله

وبعد انتهاء حفل توزيع الجوائز بايام قليلة قامت ادارة الجائزة باصدار نسخة جديدة من موقع الجائزة، وهى النسخة اللى شغالة الى يومنا هذا

وهى عبارة عن قائمة لكل الفائزين بالجائزة لعام 2009 مصحوبة بصور ليهم اثناء استلام الجوايز

وتم كتابة اسم الفنان عمرو دياب الفائز بالجائزتين اللى سبق ذكرهم ووضع فيديو الاعتذار اللى قدمه لادارة الجايزة بجانب اسمه زى ما موجود فالصورة التالية

http://img714.imageshack.us/img714/5882/diabbama2009.jpg

واللى عايز يشوف ده بنفسه يدخل على موقع الجايزة بنفسه ويشوف الفيديو ويدور يشوف لو فى اى حد عربى غير عمرو دياب

موقع الجائزة

http://bigapplemusicawards.com

لحد هنا كل شئ ماشى بالشكل الطبيعى، لكن بعد ايام قليلة فوجئنا بقيام قناتى مزيكا وزووم بالاعلان عن فوز الفنان تامر حسنى بجائزة البيج ابل ميوزك اووردس لعام 2009

وتلى هذا الاعلانات سلسلة من المقالات الصحفية - مدفوعة الاجر - التى غزت الصحافة المصرية والعربية ومع الاسف استطاعت استغفال شريحة كبيرة جدا من العالم العربى

واقناعهم بفوز تامر حسنى بالجايزة على الرغم من انه مش بس مافازش باى جايزة فى المهرجان لكنه كمان ماكانش مرشح لاى جايزة من الاساس

يعنى ماكانش ليه اى علاقة لا من قريب ولا من بعيد بالجايزة دى وعلى الرغم من كدة للاسف معظم الناس مفكرين ان تامر كسب البيج ابل ميوزك اووردس

وخصوصا جمهورة اللى الغالبية العظمى منهم مقتنعيين تماما انه فاز بالجايزة دى ومافكروش حتى يفتحوا موقع الجايزة عشان يشوفوا الفضيحة

والنسبة القليلة من جمهور تامر حسنى اللى كان عارفين الحقيقة عملوا نافسهم مش شايفين حاجة وظاطوا مع الزيطة

ولأن عمرو كعادته فضل السكوت وعدم الرد او التعليق على التفاهات دى قررنا احنا كمان نسكت وتغاضينا عن كل التفاهات دى

دى اول حاجة حابب اوضحها وهى عدم فوز تامر حسنى باى جايزة فى مهرجان البيج ابل ميوزك اووردس 2009 على عكس ما اغلب الناس مفكرين

ودى بمنتهى البساطة ممكن اى حد يتأكد منها بنفسه عن طريق دخول الموقع الجايزة والاطلاع على اسماء الفايزين

http://bigapplemusicawards.com

ومرت 4 شهور وقامت ادارة البيج ابل ميوزك اووردس باطلاق مهرجان جديد وهو مهرجان الكاكمى ميوزك اووردس، وهو مهرجان خاص بموسيقى الشرق الاوسط والقوقاز ووسط اسيا

وبعد ايام من اطلاق الجائزة الجديدة وفتح باب التصويت، قامت الاستاذة هالة عمرو مسئولة العلاقات العامة للفنان تامر حسنى بوضع موضوع مثبت بالمنتدى الرسمى للفنان تامر حسنى "تامر لفرز" بدايته كالتالى

----
ازيكم يا احلي ملايكه في الدنيا
النهارده معايا خبر حلو اويييييييييييييييييييييييييييييييييييييي
اداره جائزه بيج ابل ايلي تامر كسبها السنه ايلي فاتت
اتصلوا بيا قالوا ليا ان تامر ظاهره اول مره تحصل
في العالم
ان مطرب يغني و يكتب و يلحن اغانيه و يكتب قصص افلامه
و يمثل و ينتج و يكتشف المواهب الجديده
و ان افلامه و البوماته تحقق اعلي ايرادات دي ظاهره اول مره تحصل في العالم
و عايزين يكرموه في مهرجان الدولي cacme music awards 2010
لافضل مطربين الشرق الاوسط و اسيا الوسطي و القوقاز
و طلبه تكريم تامر حسني و عرضت الموضوع علي تامر و تامر وافق
بس دلوقتي جه دوركم انتم
هو تصويت للجوايز ده بيكون عن طريق لجنه تحكيم و ناس متخصصه في المجال الموسيقي
بس هما عاملين تصويت للجمهور و حاطين فيه افضل المطربين العرب علي شان يشوفوا مين الاكثر شعبيه
فده بقي دورنا عايزن نولع الموقع
عايزن الموقع يقع من التصويت
.......
لقراءة الموضوع كامل : http://forum.tamerlovers.com/showthread.php?t=312159
----

طبعا لاحظتوا فى بداية التوبيك "بيج ابل اللى تامر كسبها السنة ايلى فاتت " عشان بس تتاكدوا من اللى انا كنت باتكلم عليه من شوية

الحاجة اللى لفتت نظرى قوى فالتوبيك وقتها انها قايلةانهم طلبوها وطلبوا انهم يكرموا تامر فى المهرجان على الرغم من ان التصويت كان لسة بادئ قبلها بايام

ودى حاجة مش موجودة نهائيا فى اعراف المهرجانات الموسيقية منها والسينيمائية ان حد يتصل بادارة اعمال فنان فى بداية المهرجان ويطلب تكريمه

الحاجات دى بتحصل قبل حفل توزيع الجوايز باسابيع قليلة، ده العرف المتبع فى كل المهرجانات، وعشان انا كنت مستغرب قوى من النقطة دى

بعتت لادارة الجايزة ترجمتلهم التوبيك وطلبوا لنك التوبيك وعطيتوا ليهم وقاموا بترجمته هم كمان بنفسهم وبعدها وصلنى الرد

بان اللى تم فقط هو دعوة الفنان تامر حسنى لحضور حفل توزيع الجوايز وده نفس اللى حصل مع كل المرشحين فى الجايزة

لكن لم يتم الحديث مع اى من المدعوين للحفل عن تكريم اى منهم، كل اللى تم مجرد دعوة المرشحين لحضور حفل توزيع الجوايز

وده الجزء اللى فى ردهم على رسالتى، واللى بياكد كلامى، ودى اسكرين شوت للجزء ده من الرسالة

http://img175.imageshack.us/img175/3546/46108583.jpg

الترجمة: بالفعل قمنا بدعوة تامر حسنى لحفل توزيع الجوائز لكننا بالتأكيد لم نقوم بانشاء تصويت جديد لتكريم تامر حسنى!!!

بعد ماوصلنى الرد ده اتاكدت ان التوبيك اللى قامت الاستاذة هالة بكتابته كان مبالغ فيه ومضاف عليه بعض الافتكاسات لزوم التلميع

مع العلم مرة تانية بان اللى كاتبة التوبيك هى مسئولة العلاقات العامة لتامر حسنى يعنى شخصية مسئولة

ومع ذلك برضه كبرت دماغى وقلت كل واحد يعمل اللى يريحه وخلينى فى حالى وخلاص وركزدت فى ملة التصويت الخاصة بعمرو وبس وكبرت دماغى من الباقى

الى ان خرجت علينا الاستاذة هالة عمر من ايام قليلة بموضوع جديد مثبت فى موقع تامر لفرز ينص على التالى

---
تكريم و سفر تامر حسني في نيويوك لحصوله علي جائزه البيج ابل2010

ازيكم يا احلي تيموريه في الدنيا
تامر ان شاء الله مسافر نيويورك 16 مايو
2010 لتكريمه في نيويورك لانه فنان شامل
و لاول مره في العالم فنان
يغني و يمثل و يكتب اغانيه و افلامه و يلحن
و يخرج و ينتج و محقق نجاح كبير في كل المجلات دي

و بعد ما عملت البيج ابل ابحاثها و عرفت مدي شعبيه تامر في الوطن العربي
و العالم قررت
تكريمه بجائزه جديده و خاصه منحت خصيصا لتامر حسني

و لم تمنح لاحد من قبل

لانه ظاهره فريدم من نوعه
و ذلك تم ترشيحه لجائزه legend of the century

و مكان حفل التكريم في

on the kupferberg center in New-york

و سوف يحضر الحفل مجموعه كبيره من نجوم العالم و الرموز المعروفه من اعلاميين
و موسيقين وفرق رقص و صحافه و اعلام

و سيتم بث الحفل علي عده قنوات امريكيه و عالميه و عربيه

و دلوقتي انا بحضر مع اداره الجايزه كل الترتيبات الخاصه بنجمنا تامر

ولو اي حد من تيموريه امريكا عايز يحضر
يقولي و انا هقوله يجيب تذاكر منين

مبروك عليك و علينا يا اسطوره القرن
...
لنك الموضوع : http://forum.tamerlovers.com/showthread.php?t=320627
---

وقام مكتب الفنان تامر حسنى بتوزيع بيان يحمل نفس مضمون الموضوع اللى تم وضعه بموقعها

وبناء على هذا البيان قامت عشرات الصحف والمجلات المطبوعة والالكترونية بنشر خبر فوز الفنان تامر حسنى بهذه الجائزة

وقامت قنوات مزيكا وزووم - المملوكتين للمنتج محسن جابر - بكتابة هذا الخبر فى الشريط الموجود اسفل شاشة القناتين

ومازال هذا الخبر موجود الى هذا اللحظة وبامكان اى حد انه يفتح اى من القناتين ويقرى الخبر بنفسه

ودى بعض المقالات اللى تم نشرها بالصحف والمجلات عن فوز تامر حسنى بالجايزة

http://img541.imageshack.us/img541/3071/71114027.jpg

http://img191.imageshack.us/img191/6096/371426315.jpg

http://img406.imageshack.us/img406/9088/31787813.jpg

http://img689.imageshack.us/img689/8682/1x08loof.jpg

http://img714.imageshack.us/img714/5866/g3gijxcs.jpg

http://img11.imageshack.us/img11/4669/36854791.jpg

http://img72.imageshack.us/img72/3410/2v3lpvp.jpg

http://img411.imageshack.us/img411/5199/29561857.jpg

ومازال نشر الخبر فى الصحف والمجلات مستمر يوميا، وطبعا الخبر مانزليش من زور اطلاقا لانى على اتصال دائم يوميا

مع السيدة ستيلا بوياديجان رئيسة لجنة كل من جائزتى البيج ابل ميوزك اووردس والكاكمى ميوزك اووردس

والغريب انها ماجابتش ليا سيرة ان تم اختيار فايزين فى اى من فئات الجايزة وكان قيلالى ان الجوايز الفئات اللى مش عليها تصويت

هتقوم لجنة التحكيم باختيار الفايزين بيها قبل حفل توزيع الجوايز باسابيع قليلة وهيتم اعلان كل اسماء الفائزين دفعة واحدة قبل حفل توزيع الجوايز

عشان كدة استغربت من الاخبار المنتشرة بان تامر كسب جايزة اسطورة القرن اللى بيقولوا عليها دى

وقمت بترجمة الموضوع وارسال الترجمة للسيدة ستيلا للاستفسار عن حقيقة الاخبار دى

وردت عليا الرد التالى

http://img695.imageshack.us/img695/4025/12102527.jpg

الترجمة: كما اخبرتك من قبل فان هذا المهرجان الموسيقى لم يتم انشاءه لتكريم تامر حسنى.
ادارة الجائزة قامت بالفعل بدعوة تامر حسنى لحضور حفل توزيع الجوائز كما قامت ايضا بالمثل بدعوة بارسال دعوة لادارة اعمال مستر دياب، هالة عمر وشركة انتاج تامر حسنى يقصدوا هذه الدعوات.

الجزء الاول من كلامها هو تاكيد للكلام اللى قالتهولى قبل كدة ان كل المرشحين فى التصويت تم ارسال دعوات ليهم لحضور حفل توزيع الجوايز
وفى اخر الرسالة كاتبة بمنتهى حسن النية ان الاستاذة هالة عمرو وشركة انتاج تامر حسنى يقصدوا الدعوات اى انهم يقصدوا ان تامر مدعو لحفل توزيع الجوايز ومش قصدهم انه فاز بجايزة، وده طبعا لانها مش عارفة كل المهازل اللى حاصلة فالاعلام دلوقتى عندنا وان الكلام مقصود 100% وبجد خجلت جدا انى ابعتلها المقالات دى واترجمهلها لانها عيب اوى فى حقنا وفى حق صحافة بلدنا المسخرة اللى بتحصل دى عشان كدة قلت كفاية فضايح لحد هنا وقلت الم الموضوع

وقفلت معاها الكلام فالنقطة دى حفاظا على شكل البلد برة قدامهم، واتبقى ليا بعض نقاط صغيرة عشان ابقى متاكد 100% من كذب الخبر

اولا اسم الجايزة اللى المفروض ان تامر اخدها - على كلامه يعنى - وهى جايزة اسطورة القرن

Legend Of The Century Award

قمت بالاستفسار من ادارة الجايزة عن اسماء كل الجوائز والفئات الموجودة بالمهرجان وطبعا زى ماتوقعت

اكتشفت ان مافيش اى جايزة اصلا بالاسم ده فى مهرجان البيج ابل ميوزك اووردس ولا حتى الكاكمى ميوزك اووردس، طلعت منين الجايزة دى بأة الله اعلم

برضه ماكتفتش بكدة عشان اجوم بكذب الخبر وقلت يمكن هم كتبوا اسم الجايزة غلط مثلا ويقصدوا فئة احسن مطرب اللى شغال عليها التصويت

لان حسب البيان اللى وزعه مكتب تامر حسنى مكتوب ان ادارة الجايزة اخترته بناء على استطلاعات للراى وعن طريق تصويت الجمهور

عشان كدة النهاردة الصبح بعت للسيدة ستيلا اسالها عن نتيجة التصويت الحقيقية - بدون الاصوات المكررة - وكان ردها كالتالى

http://img269.imageshack.us/img269/5161/84960578.jpg

قبل اي حاجة حابب اوضح بس انى ماذكرتش اسم عمرو دياب نهائيا في الرسالة اللي بعتها لكن السيدة ستيلا ذكرت اسمه من نفسها كمثال لأنها عارفة اني بأساند عمرو، حبيت بس اوضح النقطة دي عشان ماحدش يفكر انى باقرن اسم دياب وتامر في رسايلي
.
الترجمة: عمرو دياب في الصدارة بنسبة 85% - بدون الاصوات المكررة

أي ان عمرو دياب هو المتصدر التصويت وده معناه ان حتى جزئية استطلاعات الرأي وتصويت الجمهور اللي مذكورة في بيان مكتب تامر حسنى غير صحيحة هى كمان.
يعنى كل الاخبار دي كاذبة بنسبة 100% الحاجة الوحيدة اللي صح واللي اكدتها ادارة الجايزة ان تم دعوة تامر
لحضور حفل توزيع الجوايز كما تم دعوة باقى المرشحين ومنهم عمرو دياب.

انا عرضت قدامكوا كل الموضوع من طأطأ لسلامو عليكوا بالأدلة والاثباتات وكل واحد يحكم عقله فى الكلام الموجود ويحكم بنفسه،

واتمنى من اصحاب الاقلام النظيفة فى الصحافة المصرية - اللى اصبحوا قلة للاسف الشديد - انهم ينشروا الحقيقة للناس اللى بيتم استغفالهم من قبل الفنان تامر حسنى وادارة اعماله،

واتمنى من جمهور تامر حسنى قبل ما اى حد يبعتلى رسايل يشتمنى فيها - كما هو متوقع - ان يقوموا بقراءة الموضوع كله من اوله لاخره ولو لقيتونى باكذب او معاكوا اى دليل ينافى الادلة اللى انا عارضها ابقوا اتكلموا ساعتها،

هكذا ظهرت الحقيقة للناس اللى بيتضحك عليهم واولهم جمهور تامر حسنى نفسه اللى تامر
بيستغفلهم بمساعدة الاستاذ محسن جابر

واى رد فيه شتيمة لتامر حسنى او محسن جابر او من العاملين معهم هيتم حزفها فورا

اخيرا حابب اسجل حزنى على الحالة اللى وصلتلها الصحافة المصرية، مع الاسف الصحافة المصرية بتحتضر دلوقتى وفى اسوء حالتها فى رايى، كله بينقل من بعضه وخلاص بدون اعمال العقل او التاكد من صحة الكلام اللى بينقله، والبعض كمان بقى بيقبض ويكتب -الا من رحم ربى - ولو فضل حال الصحافة بالشكل ده فانتظروا قريبا انهيار بلاط صاحبة الجلالة بمصر وانتهاء عصر الصحافة المصرية بدون مبالغة، اللى متابع الصحافة المصرية السياسية منها والفنية بانتظام هيعرف كويس قوى ان كلامى ده مافيهوش اى مبالغة، اتمنى من ناقبة الصحفيين نقل الصحافة المصرية الى العناية المركزة فورا وعلاج ماتم من انتهاكات فى حق الصحافة المصرية، ويتم استحداث قوانين جديدة تخلى اى صحفى يفكر الف مرة قبل مايكتب اى حرف عن اى حد او حاجة، وهتخلى محدش يكتب حاجة غير لو معاه دليل قاطع، اتمنى ان الوضح الحالى والمسخرة البتحصل الايام دى تنتهى قريب

شكرااا